2015 წლის   09  ივლისი. ხუთშაბათი. დღეს ბოლო  ტრენინგი გვაქვს. გვიხარია (დამთავრდა  ჩვენი წვალებააააააააა), ეს ხუმრობით,რა თქმა უნდა. ცოტათი  გულიც მწყდება.........
     
  ძალიან  ბევრი და საინტერესო  ინფორმაცია მივიღე, ვისწავლე ბევრი რამე ( დავიღლები ჩამოწერით) .
     
        დიდი მადლობა ჩვენს  ტრენერს    ნინო ცანდიაშვილს.
           
         ნინო, მიყვარხააააააააააარ!!!!!!!!
         დიდი მადლობა ყველაფრისთვის!  მაპატიე,რაც გაწვალე !
         
          შეხვედრამდეეეეეეეეეეეეეე !!!!!!!!!!
           

1. პროექტის სახელწოდება: კონსტანტინე გამსახურდიას რომანი ,დიდოსტატის მარჯვენა”
2. პროექტის მთავარი იდეა: მოსწავლეები შეისწავლიან და გაიაზრებენ ლიტერატურის კავშირს ისტორიასთან, გეოგრაფიასთან, ხელოვნებასთან. მწერლის ენისა და წერის სტილს,ლექსიკურ ერთეულებს.
3. პროექტის აქტუალობა: პროექტი აქტუალურია,რადგან მოსწავლეებს საშუალება ეძლევათ , მე-10-- მე-11 სს-ების საქართველოს ისტორიას, ერის კულტურასა და ცხოვრებას, შიდა და გარე პოლიტიკურ ვითარებას გაეცნონ. ლიტერატურული და ისტორიული მოვლენები გამიჯნონ ერთმანეთისაგან. კულტურული ძეგლების ადგილზე შეისწავლონ შესაძლებლობის ფარგლებში. ინტერნეტისა და არსებული მასალების მიხედვით შეისწავლონ ნაწარმოებში აღწერილი ძეგლები და გააცნონ სკოლის საზოგადოებას მოპოვებული მასალა,ინფორმაცია.
4. მიზანი: მოსწავლეებს უყალიბდებათ ჯგუფური და ინდივიდუალური მუშაობის უნარ-ჩვევები; უყალიბდებათ საპროექტო უნარი; კვლევითი უნარი; ინფორმაციის მოძიების უნარი; მსჯელობის უნარი; ორგანიზების უნარი; იმდიდრებენ ლექსიკას;გაიაზრებენ განსხვავებული საუკუნეების ურთიერთკავშირს.
5. მონაწილეთა ასაკი: 17- 18 წელი ( მე-12 კლასი).
6. ვადები /ხანგრძლივობა: 2015 წლის ნოემბრიდან 2016 წლის აპრილის ჩათვლით.
7.მოსალოდნელი შედეგები/პროდუქტები,რაც შეიძლება შეიქმნას: მოსწავლეები ღრმად შეიმეცნებენ და გამოიკვლევენ საქართველოს ისტორიის კონკრეტულ ეპოქას. მის როლს ქართული ლიტერატურის განვითარებაში. ისწავლიან პროექტის გაკეთებას; ჯგუფებში და ჯგუფებთან თანამშრომლობას; ისტ-ის გამოყენებას პროექტში; ლიტერატურულ თუ სამეცნიერო ნაშრომებში აუცილებელ ინფორმაციის მოძიებას; როგორ აისახა ხელოვნება ლიტერატურაში; მოსწავლეები ქმნიან პროექტს სხვადასხვა თემაზე; ქმნიან ვიდეო-ბლოგებს; აგროვებენ ფოტო-მასალას; ვიდეო-მასალას; წერილობით მასალას; ქმნიან, ან იყენებენ რუკას,რომლის საშუალებითაც მოსწავლეები განსაზღვრავენ გეოგრაფიული ობიექტების ადგილმდებარეობას.
8. პროექტისთვის საჭირო რესურსები: რომანი ,,დიდოსტატის მარჯვენა”; ისტორიული ნარკვევები; კრიტიკული წერილები; კომპიუტერი; პროექტორი;თაბახის ფურცლები; რუკა;მარკერები;ფოტოაპარატი. გასვლა ძეგლების,ისტორიული ადგილების მოსანახულებლად.ფინანსები, ტრანსპორტი , საკვები.
9. პროექტის მსვლელობა: მოსწავლეები დაიყოფიან 4 ჯგუფად (6-7 მოსწ.ჯგ-ში, დაკომპლექტება ყველა დონის მოსწავლით). აირჩევა ჯგუფის ხელმძღვანელი; თითოეულ ჯგუფს მიეცემა ინდივიდუალური დავალება (ჯგ-ის ხელმძღ-ები ოთხად გადაკეცილ ფურცელზე ჩემ მიერ წინასწარ ჩამოწერილ დავალებას აიღებენ):
1-ელი ჯგ. :,,ისტორიული და გამოგონილი პერსონაჟების როლის, ისტორიული მოვლენებისა და შემოქმედებითი ფანტაზიის ასახვა ,,დიდოსტატის მარჯვენაში”;
მე-2 ჯგ. ,,გეოგრაფიული ადგილები და ,,დიდოსტატის მარჯვენა”;
მე-3 ჯგ. ,, ხელოვნებაა თავად უკვდავება” ( ხუროთმოძღვრული ძეგლები და ფერები ,,დიდოსტატის მარჯვენაში”);
მე-4 ჯგ. ,,მწერლის ენა და წერის სტილი”.
თითოეული ჯგუფის ხელმძღვანელი თავის წევრებს მისცემს დავალებებს.განუსაზღვრავს შესრულების დროს.
მასწავლებელი ყურადღებით ადევნებს თვალს პროექტზე მუშაობას და საჭიროების შემთხვევაში ერთვება .
10. საგნებთან/ საგნობრივ ჯგუფებთან/ ეროვნულ სასწავლო გეგმასთან კავშირი : კავშირი საგნობრივ ჯგუფებთან: ქართული ლიტერატურა, ისტორია , გეოგრაფია , ხელოვნება , ისტ-ი.
ქართ. XII. 1. მოსწავლეს შეუძლია სასწავლო პროექტის წარმოდგენა აუდიტორიის წინაშე.
ქართ. XII. 2. მოსწავლეს შეუძლია თანაკლასელთა მიერ წარმოდგენილი სასწავლო პროექტების კრიტიკულად გაანალიზება და შეფასება.
ქართ. XII. 3. მოსწავლეს შეუძლია სასწავლო პროექტის პრეზენტაციის შესაბამისი ხერხების ამოცნობა და გამოყენება.
ქართ. XII. 4. მოსწავლეს შეუძლია სხვადასხვა სტრატეგიის გამოყენება სასწავლო პროექტის პრეზენტაციისათვის.
ქართ. VII. 7. მოსწავლეს შეუძლია სხვადასხვა სახის მხატვრული და არამხატვრული ტექსტების გააზრება-გაანალიზება, მათ მიმართ საკუთარი დამოკიდებულების გამოხატვა და ახსნა.
ქართ. VII. 8. მოსწავლეს შეუძლია ამოიცნოს და შეაფასოს ტექსტის შესაბამისობა კონკრეტულ მიზანსა და აუდიტორიასთან.
ქართ. VII. 9. მოსწავლეს შეუძლია ტექსტის გაანალიზება სტრუქტურული და ენობრივი მახასიათებლების მიხედვით.
ქართ. VII. 10. მოსწავლეს შეუძლია კითხვის მიზნის შესაბამისი სტრატეგიების გამოყენება.
ქართ. VII. 13. მოსწავლეს შეუძლია წერილობითი ტექსტის ორგანიზაციის წესებისა და ენობრივი ნორმების დაცვა.
ქართ. VII. 14. მოსწავლეს შეუძლია წერის სტრატეგიების გამოყენება ნაწერის ეფექტური ორგანიზებისათვის.
11.პროექტის ხელმძღვანელი : ქართული ენისა და ლიტერატურის მასწავლებელი დალი გოშუა
12.ხელმძღვანელის ელ-ფოსტა: dalisoshua7@gmail.com
13.პროექტის ვებ-გვერდი/ ბლოგი: daligoshua.blogspot.com

          2015 წლის  07 ივლისი.სამშაბათი.დილის 10 საათი. ვიწყებთ ტრენინგს.განწყობა----ცოტათი გვეზარება.თუმცა დღევანდელი მოდული იმდენად საინტერესო აღმოჩდა,რომ დაღლას საერთოდ არ ვგრძნობთ. ვსწავლობთ პორტფოლიოს შექმნას. ძალიან მომწონს.შეგიძლია,შენი სასკოლო ცხოვრება სხვებსაც გაუზიარო.
         
  მიღებული ინფორმაცია ირევა ჩემ გონებაში. იმედია,მალე დალაგდება და გავიგებ,რა ვიცი და რა არა.
           
             ძალიან კარგი და ძლიერი ტრენერი გვყავს( ნინო ცანდიაშვილი) .მადლობა მას,ამდენს რომ გვიძლებს.